Экономикалық реформалар барлық салаларда өз нәтижесін көрсетуде. Кейінгі алты жылда Алмалық комбинатында өнеркәсіп өнімі 1,8 есеге, жергілікті өндіру 7,7 есеге, инвестиция 13 есеге артты. «Цифрлы АТМК – 2030» стратегиясы аясында 70-тен астам жоба жүзеге асырылған.
Қазіргі уақытта жаңа кешендер салынып, бар қуаттылық арттырылуда. Комбинаттың 75 жылдық тарихында 2 ғана фабрика салынған. 2021 жылы «Ёшлик-1» кен орнының негізінде үшінші мыс байыту фабрикасының құрылысы басталған еді. Енді осы жобаның екінші кезеңінде төртінші мыс байыту фабрикасы іске асырылуда.
Мемлекет басшысы символды батырманы басып, осы жаңа зауыт құрылысын бастап берді.
Құны 5,3 миллиард доллар болатын бұл жоба аясында жылына 146 мың тонна катодты мыс, 13 тонна алтын және 73 тонна күміс өндіру қуаты құрылады. Жылдық өндіріс көлемі 1,9 миллиард долларға жетеді. Фабрика мен оның инфрақұрылымында 3 мыңнан астам адам жұмыс істейді.
Жобаны жүзеге асыруға Италияның «Wood» және Ұлыбританияның «Worley Parsons» компаниялары тартылған. Өндірісте жоғары технологиялық, экологиялық қауіпсіз және үнемді технологиялар қолданылатын болады.
Айта кету керек, қазіргі уақытта Алмалық тау-металлургия комбинатының бесінші мыс байыту фабрикасы да жобалануда.
