Ағымдағы жылдың 20 октябрь күні «Узатом» агенттігінің директоры Азим Ахмедхаджаев Италияның жетекші энергетикалық холдинг «Ansaldo Energia» және оның атом технологияларға мамандандырылған «Ansaldo Nucleare» компаниясының басшылығымен кездесті.
Кездесуде Өзбекстанда салынуы жоспарланған бірінші атом электр станциясының жобасындағы технологиялық интеграция мәселелері, сондай-ақ италиялық серіктестердің көмекші жүйелері бойынша шешімдерін елдің климаттық жағдайларына бейімдеу жолдары талқыланды.
Италия тарапы өзінің ядро энергетикасы саласындағы көп жылдық тәжірибесі туралы таныстырды. Компания мамандары Қытай, Бельгия, Словения, Венгрия, Украинадағы атом электр станцияларын бағалау, техникалық қызмет көрсету және істетілген ядро жанылғысын басқару бойынша практикалық тәжірибелері бар екенін атап өтті.
Әңгімелесу барысында «Ansaldo Nucleare» әзірлеген ядролық отынды басқару жүйелері және радиоактивті қалдықтармен жұмыс істеу саласындағы ынтымақтастық мүмкіндіктері жан-жақты талқыланды.
Сондай-ақ Италия тарапы Өзбекстанда атом саласын дамыту үшін нормативтік-құқықтық база жарату, лицензиялау жүйесін жетілдіруге, сондай-ақ ғылыми зерттеулер мен кадрларды даярлау бойынша бірлескен жобаларды жүзеге асыруға дайын екенін білдірді.
Келіссөздер нәтижесінде тараптар АЭС құрылысы жобасын іске асыруға италиялық сарапшыларды техникалық кеңесшілер мен серіктестер ретінде тарту мәселесін талқылауға келісті.
