«Астана Арена» стадионында өткен іс-шараға Қазақстан Республикасының Президенті Қасым-Жомарт Тоқаев, Қырғыз Республикасының Президенті Садыр Жапаров, Түркімен халқының ұлттық көшбасшысы, Түркіменстан Халық Кеңесінің Төрағасы Гурбангулы Бердімұхамедов, Татарстан Республикасының басшысы Рустам Минниханов және басқа да шетелдік қонақтар қатысты.
Жарысқа әлемнің 90-ға жуық елінен 2 мыңнан астам спортшы, соның ішінде Өзбекстан өкілдері қатысуда. Отандастарымыз күрес, алыш, арқан тарту, садақ ату, бәйге, палуандар сайысы сияқты спорт түрлерінде бақ сынайды.
Қатысушыларға көшпенді халықтардың бай мәдениеті мен тарихына, салт-дәстүрлеріне арналған театрландырылған көрініс көрсетілді.
Салтанатты рәсімнен кейін Мемлекет басшысы Ташкентке қайтып кетті. Астана халықаралық әуежайында мәртебелі мейманды Қазақстанның Премьер-Министрі Олжас Бектенов шығарып салды.
