Кездесуде аталған жетекші компаниямен ынтымақтастықты дамыту, атап айтқанда, «Euronews» кең аудиториясын Өзбекстанның бай мәдени-тарихи мұрасы, елде жүріп жатқан маңызды саяси-экономикалық үдерістер, сондай-ақ инвестициялық және туристік әлеуеті туралы хабардар ету мәселелері талқыланды.
Мемлекет басшысы бірлескен ақпараттық жобаларды іске асыру, кәсіби мамандарды даярлау бағытындағы белсенді іс-қимылдарды, сондай-ақ «Euronews»-тің Ташкентте өз офисін ашу жоспарын оң бағалады.
Сондай-ақ, «Euronews Academy» бағдарламасы аясында өзбекстандық журналистерді халықаралық кәсіби стандарттар негізінде оқыту жоспары қолдау тапты.
Барлық перспективалық бағыттар бойынша жүйелі жұмыс жүргізу мақсатында бірлескен «жол картасын» әзірлеу туралы уағдаластыққа қол жеткізілді.
