Мемлекет басшысы Оңтүстік Корея делегациясын қабылдады

    Билік 1 Iyun 2023 4013

    Өзбекстан Республикасының Президенті Шавкат Мирзиёев 1 маусымда Өзбекстанға ресми сапармен жүрген Корея Республикасының Сыртқы істер министрі Пак Чин бастаған делегацияны қабылдады.

    Өзбекстан мен Оңтүстік Корея арасындағы достық пен ерекше стратегиялық серіктестік қарым-қатынастарын одан әрі нығайту, кең ауқымды ынтымақтастықты, ең алдымен, сауда-экономикалық, инвестициялық, қаржылық-техникалық салаларда кеңейтудің өзекті мәселелері талқыланды.

    Кездесу басында Сыртқы істер министрі Пак Чин Мемлекет басшысына Корея Республикасының Президенті Юн Сок Ёлдың шынайы сәлемі мен ізгі тілегін жеткізді.

    Сұхбат барысында достас халықтарымыздың терең тарихи байланысы, ұқсас менталитет, дәстүрі мен рухани құндылықтар оларды байланыстыратыны баса айтылды.

    Әдеттегідей тығыз және сындарлы саяси диалогты, халықаралық ұйымдар, соның ішінде Біріккен Ұлттар Ұйымы мен Дүниежүзілік Сауда Ұйымы аясындағы өзара көмекті жалғастырудың маңыздылығы атап өтілді.

    Сондай-ақ халықаралық және өңірлік маңызы бар өзекті мәселелер талқыланды.

    Президент екіжақты экономикалық ынтымақтастық мәселелеріне ерекше тоқталды.

    Өткен жылы Өзбекстан мен Оңтүстік Корея арасындағы тауар алмасу 24 пайызға артты. Кореялық компаниялардан келген инвестиция көлемі 7 миллиард доллардан астамға өсті.

    Жалпы құны 5 млрд долларды құрайтын перспективалық жобалар портфелі «жасыл» энергетика, цифрлық технологиялар, машина жасау, химия өнеркәсібі, электротехника және тоқыма өнеркәсібі, инфрақұрылымдық даму, қала құрылысы және басқа да көптеген салаларды қамтиды.

    Өзбекстанның маңызды инвестициялық және технологиялық серіктестері болып табылатын Оңтүстік Кореяның жетекші компанияларымен ынтымақтастық байланыстарын нығайтуға қызығушылық білдірілді.

    Төртінші деңгейлі ересектерге арналған көпсалалы аурухана, онкологиялық клиника, фармацевтикалық кластер және медицина саласындағы жоғары оқу орнын құру бойынша әлеуметтік және стратегиялық маңызды жобаларды жеделдету қажеттігі айтылды.

    Жартылай өткізгіштердің инновациялық кластерін құру және Сирек металдар мен қорытпалар орталығының қызметін дамыту басым міндеттердің бірі ретінде белгіленді.

    Өткен жылы Өзбекстанда тұрып жатқанына 85 жылдығын атап өткен кәріс ұлтынан шыққан өзбекстандықтарды одан әрі қолдауға, соның ішінде Ташкент қаласындағы Корей мәдениеті мен өнері үйінің қызметін кеңейтуге ерекше назар аударылды.

    No date selected
    July 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates