Италияның солтүстігінде орналасқан Ломбардия халқы мен ауданы бойынша елдің ең ірі және экономикалық дамыған аймақтарының бірі болып табылады. Облыс республиканың жалпы ішкі өнімінің 22 пайызын қамтамасыз етеді және бұл көрсеткіш бойынша Еуропалық Одақта бесінші орында.
Кездесу басында Мемлекет басшысы Аттилио Фонтананы губернатор болып қайта сайлануымен құттықтап, оның осы қызметтегі жұмысына сәттілік тіледі.
Күні кеше Италия Президенті Серджо Маттарелла және Премьер-Министр Джорджа Мелонимен келіссөздер сәтті өткені қуанышпен атап өтіліп, оның барысында өңіраралық қарым-қатынастарды дамытуға қолдау көрсетілгені айтылды.
Кездесуде ең алдымен сауда-экономикалық саладағы өзара тиімді ынтымақтастықтың практикалық аспектілері талқыланды.
Өткен жылы Өзбекстан мен Ломбардия облыстары арасындағы тауар айналымының көлемі 83 пайызға артқан. Сәуір айында Милан мен Ташкент арасындағы әуе рейстері қайта жанданды.
Аймақтың Pietro Fiorentini, Terranova, Danieli, Fin. Opera сияқты жетекші компаниялармен берік серіктестік орнатылған.
Өзбекстан Президенті бірлескен сауда-инвестициялық жобалар қоржынын кеңейтудің, Италияның озық технологиясы мен білімін Өзбекстан экономикасының салаларына кеңінен тартудың маңыздылығын атап өтті.
Ломбардиямен кең ауқымды ынтымақтастық бағдарламасын жылдам дайындау, Самарқандта бірлескен инвестициялық форум өткізу қажеттігі сөз болды.
Өндірістік кооперацияны дамытуға, кәсіпкерлік бастамаларды ілгерілету үшін қолайлы жағдай жасауға, медицинада мемлекеттік-жекеменшік әріптестік жобаларын іске асыруға, инновацияларды дамытуға, мәдени-гуманитарлық байланыстарды кеңейтуге, оның ішінде Мәдениет күндерін өткізуге ерекше назар аударылды.
Губернатор Мемлекет басшысына Өзбекстандағы Ломбардия іскер топтарының жобалары мен бастамаларына жан-жақты қолдау көрсеткені үшін шынайы алғысын білдірді. Екі елдің өңірлерімен ауқымды және өзара тиімді серіктестікті қолдауға дайын екенін атап өтті.
Кездесу соңында Мемлекет басшысы Аттилио Фонтанаға 2026 жылы Ломбардияда өтетін қысқы Олимпиада ойындарына дайындықта сәттілік тіледі.
