Кездесудің басында жоғары мәртебелі қонақ Мемлекет басшысына Ресей Федерациясының Президенті Владимир Путиннің сәлемі мен ізгі тілектерін жеткізді.

Өткен жылдың мамыр айында Ресей Президентінің Өзбекстанға мемлекеттік сапары барысында қол жеткізілген келісімдер мен шарттардың орындалуын бақылау мақсатында парламентаралық ынтымақтастықты кеңейтуге ерекше көңіл бөлінді.

Мемлекет басшысы Парламентаралық комиссияның екінші отырысына мұқият дайындалу және оны екі елдің аймақтарын кеңінен тарта отырып, Өзбекстанда өткізу маңызды екенін атап өтті.

Сауда-экономикалық және инвестициялық ынтымақтастықтың басым жобаларын, еңбек миграциясы және мәдени-гуманитарлық алмасу бойынша бірлескен бағдарламаларды қолдау және жеделдету ісінде парламенттердің белсенді қатысуының маңыздылығы айтылды.