Ұйым аясындағы диалог кейінгі жылдары жанданып, көп салалы ынтымақтастық кеңейе түскені атап өтілді.

Осы жылдың қараша айында Самарқандта өтетін саммитке дайындық және оны өткізу аспектілері қарастырылды.

Мемлекет басшыларының кездесуі қарсаңында күн тәртібі мен сауда, инвестиция, көлік, ақпараттық-коммуникациялық технологиялар және гуманитарлық алмасу бойынша көпжақты құжаттарды әзірлеу мақсатында министрлер деңгейінде бірқатар кездесулер өтеді.

Ұйымның саммитін тыңғылықты дайындау үшін осы беделді өңірлік құрылымның хатшылығымен тығыз ынтымақтастық орнату келісілді.