Сұбат басында Мемлекет басшылары бір-бірін Өзбекстан Республикасы мен Түркіменстан арасындағы дипломатиялық қарым-қатынастың орнағанына 30 жыл толуымен құттықтап, ізгі тілектерін білдірді. Халық Мәслехатының Төрағасы Түркіменстан Президенті Сердар Бердымұхамедовтың шынайы құттықтауын жеткізді.

Өзбекстан-Түркіменстан қарым-қатынастары достық, тату көршілік және сенімнің игі дәстүрлеріне негізделген түрде қарқынды дамып, бүгінде стратегиялық серіктестіктің жоғары деңгейіне көтерілгені ерекше атап өтілді.

Осынау айтулы күні өзара сыйластық пен тығыз бауырластық байланыстың белгісі ретінде екі елдің арасында достастық көмек алмасылды – Түркіменстаннан Өзбекстанға сұйытылған газ партиясы жеткізілсе, көрші елге Өзбекстаннан заманауи жедел жәрдем көліктері жөнелтілді.

Сонымен қатар, күні кеше екі елдің астаналарында қалың жұртшылық, ұлттық диаспоралар мен дипломатиялық корпус өкілдерінің қатысуымен салтанатты шара мен концерт өтті.

Сауда-саттықтың артып келе жатқаны және «Шавот-Ташовуз» шекаралық сауда аймағын құру бойынша бірлескен жұмыстардың басталғаны атап өтілді. Көлік, энергетика, өнеркәсіп, ауыл шаруашылығы және басқа да салаларда маңызды ынтымақтастық жобалары жүзеге асырылуда.

Су ресурстарын басқару және пайдалану саласында, оның ішінде Біріккен су ресурстарын басқару комиссиясы шеңберінде тиімді ынтымақтастық жалғасуда.

Өзбекстан мен Түркіменстан арасында, соның ішінде өңірлік деңгейде білім беру және мәдени-гуманитарлық алмасу бағдарламалары белсенді түрде жүзеге асырылуда.

Өзара тиімді ынтымақтастықты одан әрі тереңдету және өңірлік маңызы бар стратегиялық жобаларды бірлесіп ілгерілету мүмкіндіктері бар екені айтылды.

Сондай-ақ халықаралық маңызы бар өзекті мәселелер бойынша пікір алмасылды.

Телефон арқылы сөйлесу әдеттегідей шынайы, ашық және достық рухта өтті.