Кездесуде пандемиядан кейінгі кезеңде экономиканы жылдам қалпына келтіру мен өңіраралық өзара тәуелділікті дамыту мақсатында Өзбекстан мен ЕО арасындағы серіктестікті тереңдету мәселелері талқыланды.
17-18 қарашада Самарқандта өткен «Еуропалық Одақ – Орталық Азия» форматындағы министрлер кездесуінің және «Тұрақты дамудың жаһандық қақпасы» тақырыбындағы өзара тәуелділік жөніндегі халықаралық конференцияның жемісті нәтижелері жоғары бағаланды. Мемлекет басшысы Еуропа дипломатиясының басшысына осы маңызды іс-шараларға қолдау көрсетіп, оларға жеке қатысқаны үшін алғыс айтты.
Джозеф Боррел өз кезегінде Өзбекстанның аймақтық ынтымақтастықты нығайту саясатын жоғары бағалап, Орталық Азия елдерінің бұл бағытта үлкен табыстарға қол жеткізгенін атап өтті. Еуропалық Одақ аймақ елдерімен саясат, сауда, инвестиция, цифрландыру, климаттың өзгеруі және қоршаған орта, ғылым және білім салаларындағы ынтымақтастықты кеңейтуге ниетті.
Аймақтық және халықаралық қауіпсіздіктің өзекті мәселелерін талқылау барысында Орталық Азиядағы өңірлік ынтымақтастыққа, оның ішінде Ауғанстандағы жағдайды дамытуға ерекше назар аударылды.
Самарқанд қаласында өткен конференцияның қорытындысы бойынша бірлескен «жол картасын» әзірлеу және Өзбекстан Республикасы мен Еуропалық Одақ арасындағы кеңейтілген серіктестік пен ынтымақтастық туралы келісімге тез арада қол қоюға келісілді.
