Бердақ атындағы Қарақалпақ мемлекеттік университетінің ректоры, техника ғылымының докторы, профессор Ахмед Реймов та Санкт-Петербург мәмлекеттік университетінің Менежменті жоғары мектебінде өткізілген «Өзбекстан-Ресей аймақаралық ректорлар конференциясына» қатысты.
Бұл конференцияда Ахмед Реймов еліміздегі білім саласында жүзеге асырылып жатқан реформалар, университеттің пофессор-оқытушылары, жастарды жұмысқа қабылдауға жасалып жатқан жағдайлар мен материалдық-техникалық базасы туралы ақпарат берді.
Сонымен қатар конференцияға қатысушыларына Арал теңізіндегі құрғақшылықтың алдын алу мақсатында ресейлік ғалымдармен біріккен ғылыми зерттеулерді кеңейту, сондай-ақ ауыл шаруашылығы саласына суды үнемдеу технологияларын енгізу шараларын күшейту, жас ғалымдарды Ресей Федерациясының беделді жоғары оқу орындарына мақсатты аспирантура мен докторантураға жіберуді жолға қою, заман талабына жауап беретін ғылыми-педагогикалық кадрларды даярлау мақсатында Ресей ЖОО-ның, ғылыми-зерттеу мекемелерінің тәжірибелі мамандары және ғалымдарымен университет арасындағы біріккен ғылыми мамандандырылған кеңестерді ұйымдастыру, сондай-ақ Ресей Федерациясының жоғары оқу орындарында тәжірибелік курстарды жолға қою бойынша ұсыныстарын білдірді және бұл бағытта бірге ынтымақтастық жасауға дайын екенін айтты.