«Жизнь других» шығармашылық тобы елімізде жұмыс істейтін түрлі сала өкілдерімен, сонымен қатар ішкі істер органдарымен, спортшылармен, өнер қайраткерлерімен, коммуналдық тазалық қызметінің өкілдерімен сұхбаттар өткізіп, Ташкент қаласының тарихи көрікті жерлерінде түсірілім жұмыстарын жүргізді, деп хабарлайды Мәдениет және туризм министрлігінің баспасөз қызметі.
Анықтама үшін: «Жизнь других» бағдарламасының жүргізушісі украйналық танымал тележүргізуші әрі режиссер Жанна Бадоева көрермендерге қарапайым шетелдіктердің өмірі туралы таныстырады. Атап айтқанда, қаланың тарихи-туристік жерлері, салт-дәстүрлері, жергілікті тұрғындардың тұрмыс-тіршілігі, тағамдары, отбасылық шығындары, жалақы, қаланың тұрмыс деңгейі, ауруханалар, балабақшалар, ай сайынғы коммуналдық төлемдер, зейнеткерлердің өмірі туралы бейнероликтер дайындайды.
Сондай-ақ, Жанна Бадоева «Орёл и решка» саяхат бағдарламасының жүргізушісі ретінде өте танымал және әлеуметтік желіде 3 миллион оқырманы бар.