Әзірбайжан Президенті Мемлекет басшысына ертең, 2 наурызда ел астанасында өтетін Қосылмау қозғалысының саммитіне қолдау көрсеткені және жеке қатысқып жатқаны үшін шынайы алғысын білдірді.
Шавкат Мирзияев өз кезегінде Әзербайжанның бұл құрылымға тиімді төрағалық етіп отырғанын баса айтты.
Президенттер жоғары деңгейдегі келісімдердің орындалу барысын егжей-тегжейлі қарастырды. Жүйелі және тиімді диалогтардың арқасында Өзбекстан-Әзірбайжан стратегиялық әріптестік қарым-қатынастары сапалық жағынан жаңа деңгейге көтеріліп, практикалық мазмұнмен байығаны атап өтілді.
Өткен жылы екі ел арасындағы тауар айналымы 50 пайыздан астам өсті. Автокөлік, тоқыма және жібек өнеркәсібі сияқты басым салалардағы ынтымақтастық жобалары белсенді кезеңге өтті. Мұнай-газ, көлік және логистика салаларында перспективалық жобалар дайындалуда.
Осы жылдың ақпан айында Ташкент қаласында өткен бірінші Өңірлер форумы аясында бірлескен инвестициялық қор құру туралы келісімге қол қойылды.
Екі елдің еркін экономикалық аймақтары мен салық әкімшілігі жүйесін дамыту бойынша тәжірибе алмасуға мүдделі екені атап өтілді.
Мәдени-гуманитарлық алмасуды одан әрі кеңейтудің маңыздылығы сөз болды.
Мемлекет басшылары өзекті халықаралық және өңірлік мәселелерді талқылап, алдағы іс-шаралар жоспарын қарастырды.
Кездесу әдеттегідей ашық, шынайы және достық жағдайда өтті.
