Мемлекет басшыларының осы жылдың наурыз айында Ташкентте өткен кездесуінде қол жеткізілген келісімдерді жүзеге асыру мәселелері талқыланып, сауда-экономикалық ынтымақтастықтың тұрақты қарқынмен дамып келе жатқаны айтылды.
Бүгінгі таңда екі ел арасындағы сауда және жүк тасымалының көлемі артып, рейстер саны өсіп келеді. Машина жасау, электротехника, энергетика, ауыл шаруашылығы, логистика және басқа да салаларда, оның ішінде жаңадан құрылған Бірлескен инвестициялық қордың ресурстарын тарта отырып ынтымақтастықтың перспективалық жобалар әзірленуде.
Мәдени алмасулар кеңейіп, маңызды гуманитарлық бағдарламалар жүзеге асырылуда.
Кездесуде «Қытай-Қырғызстан-Өзбекстан» темір жолын құру жобасының қарқынды дамуына ерекше назар аударылды.
Сондай-ақ өңірлік ынтымақтастықтың және Түркітілдес мемлекеттердің ынтымақтастық кеңесі аясындағы әріптестіктің өзекті мәселелері жөнінде пікір алмасылды.
