Мемлекет басшыларына саладағы озық және инновациялық жобалар туралы ақпарат берілді.
Іс-шара аясында Қасым-Жомарт Тоқаевтың бастамасымен құрылып жатқан «Alem.ai» жасанды интеллект орталығының таныстырылымы өтті.
Бұл – жасанды интеллект бағытында мамандар даярлау, стартаптарды іске қосу және ғылыми зерттеулер жүргізуге арналған платформа.
Сондай-ақ, Президенттер Орталық Азиядағы ең ірі технопарктер консорциумы – «Central Asian Innovation Hubs» (Astana Hub және IT Park Uzbekistan) бірлестігінің қызметімен танысты.
Кездесу соңында екі ел басшылары цифрландыру саласындағы өзара тиімді ынтымақтастықты кеңейту, бірлескен IT өнімдерін жасау, жасанды интеллект пен озық ақпараттық технологиялар бойынша ұлттық стратегияларды өзара үйлестіру қажеттігін ерекше атап өтті.
