Сұхбат басында Өзбекстан басшысы Тәжікстан Президентін Тәуелсіз Мемлекеттер Достастығына төрағалығының жемісті болғанымен құттықтап, «Орталық Азия – Ресей» форматындағы алдағы саммит пен ТМД саммитінің табысты өтуін тіледі.
Кездесуде Өзбекстан мен Тәжікстан арасындағы достық, тату көршілік, стратегиялық әріптестік және одақтастық қатынастарды одан әрі кеңейту мен нығайтудың өзекті мәселелері қаралды.
Екіжақты ынтымақтастықтың қарқынды дамып келе жатқаны атап өтілді. Тауар айналымы мен жүк тасымалы көлемі, әуе қатынастары саны артып отыр.
Өзара сауданы ұлғайту, өнеркәсіп, энергетика, ауыл шаруашылығы және өзге де басым бағыттарда кооперациялық жобаларды ілгерілету бойынша келісілген шаралар қабылдауға айрықша мән берілді.
Белсенді мәдени-гуманитарлық алмасуды және нәтижелі өңіраралық байланыстарды жалғастыру маңызды екені айтылды.
Сондай-ақ халықаралық және аймақтық маңызы бар негізгі мәселелер, соның ішінде биыл қараша айында Ташкент қаласында өтетін Орталық Азия мемлекеттері басшыларының Консультативтік кездесуіне дайындық жайы кеңінен талқыланды.
