Парламенттің жоғарғы палатасының мәліметінше, кездесуде Өзбекстан-Жапония қарым-қатынастарының қазіргі жағдайы мен оны одан әрі дамыту болашақтары, сондай-ақ екіжақты парламентаралық ынтымақтастықтың бағыттары талқыланды.

Онда парламенттер арасындағы достық топтардың қызметін одан әрі жетілдіру, өзара сапарларды жүзеге асыру қажет екені айтылды.

Сондай-ақ, әңгіме барысында екі елдің іскер топтары мен ірі компаниялары арасында жүзеге асырылған инвестициялық жобаларды одан әрі дамытудың нақты бағдарламаларын әзірлеу мен өмірге енгізуге келісілді, деп хабарлайды «Дунё» АА.