Кездесу басында мәртебелі қонақ Мемлекет басшысына Еуропа кеңесінің Президенті Антониу Кошта мен Еурокомиссия Президенті Урсула фон дер Ляйеннің сәлемін және игі тілектерін жеткізді.
Тараптар биыл 3–4 сәуір күндері Самарқанд қаласында өтетін «Орталық Азия – Еуропа Одағы» бірінші саммитін жоғары деңгейде ұйымдастыруға айрықша назар аударды. Бүгін Ашхабад қаласында өткен министрлік деңгейдегі көпжақты кездесудің нәтижелері жоғары бағаланды.
Сондай-ақ, сауда және логистика, оның ішінде Транскаспий көлік дәлізін дамыту, цифрландыру, «жасыл» энергетика, экология, инфрақұрылымды жаңғырту сияқты басым бағыттарда екі аймақ арасындағы өзара тиімді ынтымақтастықты ілгерілету, бастамалар мен жобаларды жүзеге асырудың тиімді тетіктерін енгізудің маңыздылығы атап өтілді.
Өзбекстанның Еуропа Одағы институттары арасындағы қарым-қатынасты одан әрі тереңдету мәселелері қаралды.
Кеңейтілген әріптестік және ынтымақтастық туралы жаңа келісімді қабылдау, сондай-ақ Өзбекстанның Дүниежүзілік сауда ұйымына кіру мәселелері талқыланды.
Кездесуде халықаралық және аймақтық саясаттың өзекті мәселелері бойынша да пікір алмасылды.
