Өзбекстан Республикасы тәуелсіздігінің 31 жылдығына арналған салтанатты шара өтті

    Билік 1 Sentabr 2022 12331

    Ташкенттегі «Жаңа Өзбекстан» саябағында Өзбекстан Республикасы тәуелсіздігінің 31 жылдығына арналған салтанатты шара өтті.

    Оған Өзбекстан Республикасы Президенті Шавкат Мирзияев қатысып, Өзбекстан халқын айтулы күнмен құттықтады.

    – Осыдан 31 жыл бұрын әлем картасында «Өзбекстан Республикасы» деген жаңа тәуелсіз ел пайда болды. Тұңғыш Президентіміз Ислам Абдуғаниевич Каримовтың басшылығымен еліміздің ұлттық тәуелсіздігін әлемге жария еттік. Жылдар, ғасырлар өтеді. Бірақ ұлттық мемлекеттігімізді, болмысымызды және адам құқығымызды қалпына келтірген, барлық жеңіс пен жетістіктеріміздің іргетасы болып табылатын Тәуелсіздік күні біз үшін және біздің болашақ ұрпақтар үшін әрқашан ең ұлы және ең қымбат мереке болып қала бермек, – деді Шавкат Мирзияев.

    Ылайым солай болады. Өйткені бұл мереке аяулы халқымыз үшін өте қымбат. Тәуелсіздікке талай қиындықтар мен табандылықтан кейін қол жеткізілді. Еңбек пен ауыртпалық пен жылдан жылға мықты болса түсті. Бүгін Өзбекстанда ел мен адам қадірлі болды. «Халық мемлекеттік органдарға емес, мемлекеттік органдар халқымызға қызмет етуі керек» деген қағида басты талапқа айналды.

    Еліміз пандемия мен жаһандық дағдарыстың кері әсеріне қарамастан, азат, абат және бақуатты өмір салу жолында батыл қадам басып келеді. Өнеркәсіп секторлары мен аймақтардың дамуы әлеуметтік мәселелерді шешуге мүмкіндік беруде.

    Ұлттық құндылықтарымызда ерекше орын алатын ұрпақтар арасындағы дәстүрді сақтау, қарттардың өмірін мәнді ету назарда. Жастар мен қыз-келіншектердің білім алуына, мамандық иеленуде, қабілетін шыңдауына барлық жағдай жасалуда. Жақында Үндістанда өткен Дүниежүзілік шахмат олимпиадасында ұлттық құрамамыздың тарихта тұңғыш рет Олимпиада чемпионы атануы барша халқымызды қуантты.

    Еліміздің халықаралық аренадағы беделі де артып келеді. Шет мемлекеттер, ұйымдармен бірлесе отырып, үлкен экономикалық және әлеуметтік жобалар жүзеге асырылуда.

    Мемлекет басшысы салтанатты шараға қатысушы шет мемлекеттердің елшілері мен халықаралық ұйымдардың өкілдерін де құттықтады.

    Бүгінде еліміз ұлттық өркендеу кезеңінен ұлттық өрлеу кезеңіне өтуде. 2026 жылға дейінгі даму стратегиясы жүзеге асырылуда.

    Президент құттықтау сөзінде мемлекет сипатын былайша түсіндірді:

    «Жаңа Өзбекстан әрбір азаматтың өмірін одан әрі жақсарту мақсатында мемлекеттік қызметтерді пайдалануға кең мүмкіндіктер беретін, мұнда адамдардың өз мәселелерін ашық айтуына және оларды шешу үшін бірлесіп жұмыс істеуіне барлық жағдай жасалған, барлығы үшін әділеттілікті қамтамасыз ету мүмкіндігін беретін және азаматтары әлеуметтік жағдайына қарамастан, заң алдында тең болатын, кәсіпкерлікті дамыту үшін қажетті жағдайлар жасалған мемлекет».

    Өзбекстанда болып жатқан жағдайға көз жүгіртсеңіз, оның жауабын көруге болады. Бұл ретте Мемлекет басшысы өз сөзінде мынадай бес негізгі бағытты көрсетті.

    Біріншісі – білім беру саласында барынша қолайлы жағдай жасау. Осы мақсатта мектеп бағдарламалары, оқыту әдістемесі, оқулық мазмұны түбегейлі қайта қаралып, мектептер салу, мұғалімдер мен жаттықтырушылар тынымсыз еңбегін бағалау жалғасады.

    Екіншісі – сот жүйесінің тәуелсіздігін нығайту. Судьялардың жұмысына кез келген араласу қатаң жазаланады, олардың кедергісіз жұмыс істеуі үшін барлық қажетті жағдай жасалады.

    Үшіншісі – кәсіпкерлікті дамыту. Осы мақсатта жеке меншік пен кәсіпкерлікке кедергілердің барлығы жойылады. Мемлекеттік басқару реформаланып, мемлекеттің экономикаға қатысуы күрт төмендейді.

    Төртіншіден, денсаулық сақтау жүйесінде халықтың сапалы және білікті медициналық қызметтерге қолжетімділігі кеңейтіледі. Барлық өңірлерде жедел медициналық көмек көрсетумен қамту ұлғайып, халыққа жақындатылады.

    Бесінші – ауыз сумен қамтамасыз етуді жақсарту. Ол үшін салаға тартылатын инвестиция көлемі күрт арттырылады. Проблемалы аймақтарға таза ауыз суды жеткізу және оның сапасын арттыру бойынша жеке бағдарламалар жүзеге асырылатын болады.

    Ержүрек, қайратты халқымыздың қолдауымен бұл міндеттер нәтижелі орындалатыны, жаңарып жатқан Конституция осы жолда берік құқықтық негіз болатыны айтылды.

    – Бүгін біз алдымызға өршіл де биік мақсаттар қойып отырмыз. Осындай ұлы мақсаттарға жету жолында көп ұлтты халқымыз бірлесіп, бір шаңырақ астында, біртұтас ұлт болып, аянбай еңбек етуде. Бұл біздің барлық жетістіктеріміздің берік кепілі десек, шындықты айтқан боламыз, деді Президент.

    Мемлекет басшысы реформаларды қолдап, оны жүзеге асыруда жанқиярлық танытып жүрген халқымызға шексіз құрметін білдіріп, ізгі тілегін білдірді.

    – Құрметті жерлестер, сіздерді Өзбекстан тәуелсіздігінің отыз бір жылдығымен тағы да құттықтап, баршаңызға зор денсаулық, бақыт пен отбасыларыңызға береке-бірлік тілеймін. Армандарымыз орындалсын! Жаратушы баршамыз өз панасында сақтасын! Еліміз тыныш, жұртымыз аман, Тәуелсіздігіміз мәңгілік болсын, – деп түйіндеді сөзін Мемлекет басшысы.

    Мереке мерекелік концерттік бағдарламамен жалғасты. Теледидар арқылы барлық облыстар мен отбасыларда көрсетіліп, жерлестерімізге көтеріңкі көңіл-күй сыйлады.