Мемлекет басшысы Гурбангулы Бердімұхамедов бастаған ауқымды әлеуметтік-экономикалық реформалар қуатты Түркіменстан құрудың берік іргетасы болғанын ерекше атап өтті.

– Бауырлас Түркіменстан бүгінде ұлттық бірлік пен тарихи-мәдени дәстүрді сақтау негізінде қарқынды дамып келеді. Бұл бүкіл әлемде жоғары деңгейде мойындалды, – деді Шавкат Мирзияев.

Гурбангулы Бердімұхамедовтың бауырлас елдеріміз бен халықтарымыз арасындағы достық қарым-қатынасты нығайтып, терең стратегиялық әріптестік деңгейіне жеткізуге жеке үлесін қосқаны ерекше атап өтілді.

Өзбекстан-Түркіменстан қарым-қатынастары өзара шешілмеген мәселелерден ада мемлекетаралық серіктестіктің нақты үлгісі екені айтылды.

Кездесуде екіжақты, аймақтық және халықаралық ынтымақтастықтың кең ауқымды мәселелері талқыланды.

Парламенттер арасындағы байланыс халықтарымызды жақындастырудың ең маңызды факторы екені сөз болды.

– Жоғары деңгейде қол жеткізілген уағдаластықтардың орындалуын бақылау үшін парламентаралық ынтымақтастық әлеуетін бұдан кейін де тиімді пайдалануымыз керек, – деді Шавкат Мирзияев.

Кездесу соңында Шавкат Мирзияев пен Гурбангулы Бердімұхамедов бауырлас халықтарымызға бейбітшілік пен гүлдену тіледі.