Кездесуде Өзбекстандағы инвестициялық ортаны жақсарту, салық жүктемесін азайту, кедендік төлемдерді жеңілдету және инвесторлардың құқықтарын заңмен қорғау бағытында жүргізіліп жатқан реформалар, 2030 жылға дейін мемлекеттік-жекеменшік негізінде іске асырылатын жобалар бағдарламасы туралы тұсаукесер өткізілді.

«OneRoad Group» компаниясының өкіліне Самарқант қаласындағы қоғамдық көлікті дамыту жобаларына қатысуы және ауыл шаруашылығы саласында серіктестік орнату туралы ұсыныстар білдірілді.

Әмірліктер тарапы өз кезегінде, Өзбекстан экономикасында жүзеге асырылып жатқан өзгерістер мен ауқымды реформаларды қадағалап отырғанын және еліміздің базарында болашағы зор инвестициялық жобаларды жүзеге асыруға қызығушылық танытқанын атап өтті.

Атап айтқанда, Чэньлинг Жанг Өзбекстанда өсірілген ауылшаруашылық өнімдерін импорттап, оларды қайта өңдегеннен кейін реэкспорт жасауға болатынын хабарлады.

Тараптар осы бағыттағы жұмыстарды бастау үшін осы компания мен Өзбекстан Экспорттаушылар бірлестігі өкілдері арасында арнайы кездесу ұйымдастыруға келісті.

Келіссөздер соңында «OneRoad Group» компаниясының бас атқарушы директорына еліміздің мүмкіндіктері туралы толық ақпарат алуына және ынтымақтастық болашақтарын талқылау мақсатында ағымдағы жылдың 13-16 октябрь күндері Ташкентте өткізілуі жоспарланған «Өзбекстан-БАӘ» бизнес-форумына қатысуға шақырды, деп хабарлайды «Дунё» АА.