Сұрхандария облысы Экология басқармасының баспасөз қызметінің мәлімдеуінше, оқиға 2025 жылғы 10 декабрьде Ұзын ауданының «Бешқапа» махалласы аумағында болған. Айтылуынша, азамат М.И.-дің қойлары адырда жайылып жүрген кезде қасқыр шабуылдаған.
Азаматтың жазбаша түсіндірме хатында малға зиян келтірудің алдын алу және оларды сақтап қалу мақсатында қасқырдан қорғау салдарынан қасқырдың қаза тапқанын айтылған.
Оқиға бойынша жасалған акт негізінде азаматтың әрекеттері нәтижесінде Өзбекстан Республикасының «Жануарлар дүниесін қорғау және пайдалану туралы» Заңының 33-бабы талаптары бұзылғаны анықталған. Аталған заңның 53-бабына сәйкес жауапкершілік шаралары белгіленген.
Сондай-ақ, азамат Әкімшілік жауапкершілік туралы кодекстің 90-бабының 1-бөліміне сәйкес базалық есептік мөлшердің (БЕМ) 20 еселенген мөлшерінде, яғни 8 миллион 240 мың сум көлемінде әкімшілік айыппұлға тартылған.
Хабарлануынша, қасқыр Өзбекстан заңнамасына сәйкес, қорғауға алынған жабайы аң түрлерінің қатарына жатады. Оған қатысты қатыгездік көрсету, қинау немесе заңсыз әрекеттер жасау қолданыстағы заңнамаға қайшы болып саналады және белгіленген тәртіпте жауапкершілікке әкеледі.
Сұрхандария облысының Экология және климаттың өзгеруі жөніндегі бас басқармасы тұрғындарды табиғатқа, әсіресе жабайы жануарларға мейіріммен қарауға, экологиялық заңнама талаптарын қатаң сақтауға, сондай-ақ мұндай жағдайлар бойынша қорытынды жасауда тек ресми дереккөздерге сүйенуге шақырды.
