Кездесу басында Австрия тарапына елімізде цифрлық экономиканы белсенді дамыту, барлық тармақтар мен салаларда, ең алдымен мемлекет басқаруы, білім, денсаулық сақтау және ауыл шаруашылығында заманалық ақпарат-коммуникация технологияларын кеңінен енгізу бойынша жүзеге асырылып жатқан мемлекет саясаты мен кешенді іс-шаралар туралы толық мәлімет берілді.
Сондай-ақ, шетел тарапына «Цифрлы Өзбекстан – 2030» стратегиясы және оның үстем міндеттері, елімізде байланыс және телекоммуникациялардың ашық және бәсекеге қабілетті базарды ашу бойынша реформалар, республикада ашылған ІТ-парктер мен олардың қызметі туралы мәліметтер ұсынылып, өзара ынтымақтастықтың болашағы бар салалар санап өтілді.
Андреас Райххард технологиялар трансфері бағытында Өзбекстанның жауапты министрліктерімен және ұйымдарымен тығыз ынтымақтастық жасауға дайын екенін мәлімдеді. Іс жүзіндік ынтымақтастықтың бірінші кезеңі ретінде Австрияға Өзбекстанның Жоғары білім, ғылым және инновациялар министрлігі делегациясының сапарын ұйымдастыруға және оның аясында өзара ынтымақтастық меморандумына қол қоюға келісілді.
Келіссөздерде тараптар ауыл шаруашылығы саласындағы серіктестік те үлкен әлеуетке ие екеніне тоқталып, бұл бағытта да тығыз ынтымақтастық орнатуға келісті.
Айта кетейік, 2021 жылы Өзбекстан Ауыл шаруашылығы министрлігі мен Австрияның «BAUER Röhren- und Pumpenwerk» компаниясы арасында құны 7,9 миллион еуро мөлшеріне тең келісімшартқа қол қойылды. Осы құжат аясында республиканың ауыл шаруашылығы саласына тамшылатып суару технологиялары әкелінуде. Бұл келісім Австрия үкіметінің «софт-лоундары» (ұзақ мерзімді пайызсыз жеңілдетілген несиелер) есебінен қаржыландырылады.
Австрия қаржы министрінің орынбасары екіжақты байланыстарды дамыту аясында тау-кен өнеркәсібі саласында да болашағы бар бағыттар бар екенін атап өтті. Атап айтқанда, Австрия компанияларының аталмыш саладағы озық технологияларын енгізу нәтижесінде Өзбекстанның қосымша құны бар дайын өнім шығаруда кең мүмкіндіктері бар екені, сонымен қатар, пайдалы қазбалар бағытында жаңа кендерді іздеп табу бойынша Австрия тәжірибесі мен технологияларынан пайдалану тараптар үшін мүдделі серіктестік салалардан бірі екенін айтылды, деп хабарлайды «Дунё» АА.
