Оның біріншісі – автоқосалқы бөлшектер нарығы жақын арада іске қосылмақ. 11 гектарды алып жатқан цехтарда 3 мың жұмыс орны ашылады.
Қазіргі таңда газоблок, пенопласт, әк және нығыздағыш шығаратын кәсіпорындардың құрылысы қарқынды жүріп жатыр. Олар биылғы жылдың соңында пайдалануға беріледі. Сондай-ақ, алдағы жылдары «Көксарай автомолл» сауда ойын-сауық орталығы, шыны өңдеу кәсіпорны, пластмасса және алюминий есік айна жасайтын кәсіпорынның құрылысын аяқтау жоспарланған.
Жалпы бұл жобалар он мыңға жуық адамды тұрақты жұмыспен қамтамасыз етеді.
Мемлекет басшысы мұның маңыздылығына тоқталып, жобаларды жеделдету, жергілікті өндірістерді жолға қою, жұмыссыз халықты жұмыспен қамту маңыздылығын атап өтті.
