Бейнеконференцбайланыс форматындағы шараны Түрікменстан Ұлттық Кеңесінің Мәжілісі ұйымдастырды, тыныштық және диалогты нығайтудағы парламенттік ынтымақтастықтың рөліне арналды.
Форумға түрлі елдердің парламент спикерлері, халықаралық және аумақтық ұйымдардың басшылары мен өкілдері қатысты.
Ақпарат ретінде айта кетейік, тыныштық, қауіпсіздік және тұрақты өркениет жолында «Бейтараптық достары» тобы Түркіменстанның бастамасымен құрылған БҰҰ-ға мүше мемлекеттердің бейресми бірлестігі болып табылады.
Олий Мажлис Сенатының Төрайымы Танзила Нарбаева өз сөзінде бүгінде барған сайын күшейіп келе жатқан қауіп-қатерлер жағдайында сенім мен ауызбіршілікті нығайту қажеттілігін атап өтті. Әлеуметтік-экономикалық тұрақтылықты жан-жақты қамтамасыз ету және елдер арасындағы сыртқы экономикалық байланыстарды дамыту халықаралық деңгейдегі ауқымды ынтымақтастықтың негізгі міндеттеріне айналып отырғанына назар аударды.
— Біз бүгінгі кездесуді парламенттердің көпжақты форматтағы іс жүзіндік ынтымақтастығына қосымша ретінде және олардың еліміз тұрақтылығы мен әл-ауқаттылығына тығыз байланысты болған бейбітшілік пен диалогты нығайтуға қатысты ең маңызды мәселелерді талқылауға тарту құралы ретінде қараймыз, – деп атап өтті Сенат Төрайымы.
Шара соңында Бейтараптық достары тобына мүше елдер парламенттері басшыларының бірінші кездесуінің тыныштық пен диалогты нығайтудағы парламенттік ынтымақтастықты дамытуға бағытталған қорытынды құжаты қабылданды, деп хабарлайды Олий Мажлис Сенатының баспасөз қызметі.
