Бүгін Рейн-Рур қаласында (Германия) өткен Дүниежүзілік жазғы «Универсиада» ойындарына лайықты қатысқан Өзбекстан құрама командасы елімізге қайтты.

Спортшыларымызды Ташкент халықаралық әуежайында Өзбекстан Республикасы Президенттің спорт жөніндегі өкілі Одил Абдурахманов, Спорт министрлігінің, Жоғары білім, ғылым және инновациялар министрлігінің және Ұлттық Олимпиада комитетінің басшылығы, жалпы жұртшылық пен БАҚ өкілдері салтанатты түрде қарсы алды.

Салтанатты шарада сөз алған спортшыларымыз қол жеткізген нәтижелер еліміз Тәуелсіздігінің отыз төрт жылдығына лайықты тарту болғанын, Мемлекет басшысының елімізде спортты дамытуға көңіл бөліп отырғаны өз жемісін беріп жатқанын мақтанышпен атап өтті.

Ақпарат үшін, ағымдағы жылдың 16-27 июль күндері Рейн-Рур қаласында (Германия) Бүкіләлемдік жазғы “Универсиада” ойындары өткізілді.

Осы Дүниежүзілік жазғы «Универсиада» ойындарына әлемнің 113 елден спорттың 18 түрі бойынша 5 100-ден астам студент спортшы жалпы 234 медаль үшін сайысқа түсті. Өзбекстанның спорт делегациясы осы аталған жарыста спорттың 11 түрінен (садақ ату, көркем гимнастика, жеңіл атлетика, суға секіру, дзюдо, көркем гимнастика, ескек есу, жүзу, үстел теннисі, таэквондо ВТ және теннис) бойынша 18 жоғары оқу орындарында білім алатын 53 спортшы қатысты.

Жарыс қорытындысы бойынша Өзбекстанның спорт делегациясы Универсиада тарихындағы ең үздік нәтижені тіркеп, 5 спорт түрінен (жүзу, көркем гимнастика, жеңіл атлетика, таэквондо ВТ, дзюдо) жалпы 15 медаль жеңіп алды, оның 4-уі алтын, 4-уі күміс және 7 қола медаль.

Осы нәтижемен Өзбекстан спорт делегациясы жалпы командалық есепте 13-орынға, ал Орталық Азия елдері арасында 1-орынды иеледі (Жапония 1-орын, Қытай 2-орын, АҚШ 3-орын, Корея 4-орын, Италия 5-орын, Әзербайжан 24-орын Қазақстан 37-орын, Қырғызстан 38-орын) .

Сондай-ақ Универсиада тарихында алғаш рет жүзу, көркем гимнастика және жеңіл атлетикадан медальдар еншіленді.