Т.Нарбаева өз сөзінде өскелең ұрпақтың игілігі үшін бірлескен жұмысты жалғастырудың маңыздылығына тоқталды.
Шара барысында отыз жылдық ынтымақтастықта балалардың өмір сүру сапасын жақсартуға, олардың білім алу мен медициналық қызметті пайдалану мүмкіндіктерін арттыруға, сондай-ақ зорлық-зомбылық пен кемсітушіліктің барлық түрінен қорғауға бағытталған көптеген жобалардың жүзеге асырылғаны айтылды.
ЮНИСЕФ кешенді бағдарламаларды жүзеге асыру үшін техникалық көмек пен ресурстарды ұсыну арқылы Өзбекстанның балаларға қолайлы ортаны жаратуда бастамаларды қолдап-қуаттауда маңызды рөл атқарады. Бұл ынтымақтастық елімізде балалар құқықтары саласындағы халықаралық стандарттарды ілгерілетуде, сонымен қатар БҰҰ-ның Бала құқықтары туралы конвенциясын өмірге енгізуде маңызды фактор болды.
Өзбекстанда көп жылдан бері жас ұрпақтың өсіп-өркендеуіне қолайлы жағдай жасау мақсатында жүйелі жұмыстар жүргізіліп келеді. Соңғы жылдары елімізде балалардың құқықтары мен мүдделерін қамтамасыз етуге бағытталған ауқымды жұмыстар жүргізілуде.
Балалардың құқықтары мен мүдделерін қамтамасыз етудің құқықтық және институционалдық негіздері дәйекті түрде жетілдірілуде. Соңғы жылдары жас ұрпақты қорғауға, олардың әл-ауқатын қамтамасыз етуге және олардың жан-жақты дамуына жағдай жасауға бағытталған бірқатар маңызды заңдар мен нормативтік құқықтық құжаттар қабылданды, деп хабарлайды Олий Мажлис Сенатының баспасөз қызметі.
2024 жылдың ноябрь айында Балаларды зорлық-зомбылықтың барлық түрінен қорғау туралы заң қабылданды. Бұл балалар құқығын қорғаудың ұлттық жүйесін нығайтудағы маңызды қадам болды. Осы құжат зорлық-зомбылықтың барлық түрлеріне тыйым салады және оларды жасағаны үшін жауапкершілікті күшейтуді көздейді.
Республикада инклюзивті білім беру жүйесі де белсенді дамып келеді, денсаулық сақтау, балаларды әлеуметтік қорғау және білім беру саласында ауқымды бағдарламалар жүзеге асырылуда.
ЮНИСЕФ-пен ынтымақтастық денсаулық сақтау, әлеуметтік қорғау, білім беру сияқты басқа да маңызды салаларда жалғасады.
