Іс-шараның мақсаты — халықтар арасындағы мәдени ынтымақтастық пен диалогтың барлық түрлерін дамыту, мәдени жетістіктермен өзара алмасу, бірлескен шығармашылық белсенділік пен өнерді ынталандыру, ұлттық мәдениеттердің өзара байытылуына белсенді ықпал ету болды.
Анкарада Өзбекстан мәдениет күндерінің ашылуына орай өзбек өнерпаздарының қатысуымен концерттік бағдарлама ұйымдастырылды.
Шараға Өзбекстан Мәдениет министрінің орынбасары Олимжон Мирзаев, Түркиядағы елшісі Алишер Азамходжаев, Түркия Мәдениет министрінің орынбасары Узгул Озкан Явуз, түрік мемлекеттік және қоғамдық ұйымдарының, шетелдік дипломатиялық өкілдіктер мен консулдықтардың, халықаралық ұйымдардың өкілдері және осында білім алып жатқан және Анкарада жұмыс істейтін қандастарымыз қатысты.
Түркияның Мәдениет және туризм министрінің орынбасары Узгул Озкан Явуз тарихы, мәдениеті мен өнері тоғысқан екі елдің мәдени байланыстары мен бірлескен жобалардың нәтижесіне тоқталды. Бұл ретте ол «мұндай шаралар мәдени байланыстарды нығайтып қана қоймай, екі халық арасындағы бауырластық қарым-қатынасты арттыра түсетінін» атап өтті.
Сондай-ақ шараға қатысушылар «Өзбекстан – Жібек жолының жүрегі» атты фотокөрмемен де танысты.
Стамбулдағы өзбек өнерпаздарының өнерін көрермендер ыстық ықыласпен қабылдап, баршада ұмытылмас әсер қалдырды.
Мәдени конференция аясында Өзбекстан делегациясы мүшелері Түркияның Мәдениет және туризм министрлігі, “ТУРКСОЙ” халықаралық ұйымының, Түркия Ұлттық кітапханасының, Президенттік Симфониялық оркестр және Анадолы мұражайының басшылығымен кездесті, деп хабарлайды Dunyo.
