Равшан Алимов, Олий Мажлис Сенатының Халықаралық қатынастар, сыртқы экономикалық байланыстар, шетелдік инвестициялар және туризм мәселелері комитетінің төрағасы:
Заманалық үдерісте халықтық дипломатиясы ұлттық мүдделерді ілгерілетудің және халықаралық қарым-қатынастарды нығайтудың оң факторы ретінде ерекше рөл атқарады.
Қоғамдық бірлестіктердің қызметі, халықаралық үкіметтік емес ұйымдардың елдер мен халықтардың өзара ынтымақтастығын нығайтуға бағытталған бастамалары, ұлттық мүдделерді ескере отырып, олардың одан да жақындауына қызмет етуде.
Онда Өзбекстан Республикасының Президенті Шавкат Мирзияевтың бастамасымен құрылған ШЫҰ-ның Өзбекстандағы Халық дипломатиясы орталығының рөлін ерекше атап өту қажет. Орталық өз қызметінде Өзбекстанның Шанхай Ынтымақтастық Ұйымы елдерімен қарым-қатынасын нығайту үшін халық дипломатиясының механизмдерін пайдалануды көздеп отыр.
Салыстырмалы түрде қысқа уақытта Орталық ШЫҰ-ның кейбір елдеріндегі қоғаммен және осыған ұқсас ұйымдармен ынтымақтастық орнатып, дамытуда. «Даму стратегиясы» орталығы, ЕҚЫҰ-ның Өзбекстандағы жобаларының үйлестірушісі, ШЫҰ-ның Тату көршілік, достық және ынтымақтастық бойынша Қытай комитеті, «Юксалиш» жалпыұлттық қозғалысының қатысуымен біріккен шаралар өтуде.
Халықтық дипломатиясының маңызды бағыттарының бірі ретінде парламент дипломатиясының рөлін де ерекше мойындау керек. Елдер арасындағы парламентаралық байланыстарды жандандыру әрбір халықтың мүддесін ескере отырып, мемлекетаралық қатынастардың маңызды құрамдас бөлігі болып табылады.
****************
Олий Мажлис Сенатының Жастар, мәдениет және спорт мәселелері комитетінің төрағасы Бахтиёр Сайфуллаев:
Халық дипломатиясының мүмкіндіктерін пайдалану үшін тек жастар аясында ғана емес, сонымен қатар белсенді мәдени шаралар, туризм күндері, спорттық жарыстар мен түрлі фестивальдер аясында мемлекеттер арасындағы көпжақты қарым-қатынастарды жедел дамыту мақсатқа сай.
Осы орайда Өзбекстанда ұйымдастырылып жатқан «Шарқ тароналари» халықаралық музыка фестивалінің, Мақом өнері конференциясының, халықаралық Бахшылық және Қолөнер фестивалінің, Дәмдеуіштер мен кесте тігу фестивалінің, «Ипак йули дурдонаси» Ташкент халықаралық кинофестивалінің және халықаралық театр фестивальдері үдерісінде болатын шынайы диалогтар тек еліміз беделін арттыруға ғана емес, халықтар арасындағы достық мен менім арқауларын нығайтуға да қызмет етеді.
Дүние жүзіндегі жаһандану мен интеграциялық үдерістердің күшейіп жатқан кезінде халық дипломатиясы халықаралық қатынастардың маңызды буынына айналуда.
Қоғамдық ұйымдар мен бірлестіктердің қызметі, туыстас қалалар деңгейіндегі қарым-қатынастар, әлеуметтік-саяси акциялар, халықаралық үкіметтік емес ұйымдардың ынтымақтастықты күшейту бойынша бастамалары мемлекеттер мен халықтардың жақындасуына, барлық деңгейдегі елдер арасындағы қарым-қатынастардың нығаюына ықпал етеді.
Халық дипломатиясы құралдарын пайдалану ШЫҰ елдері мен олардың халықтарын жақындатуға, өзара сенім мен тату көршілік рухын нығайтуға ықпал ететініне шүбә жоқ.
****************
Сенатор Гулнора Маруфова:
2000 жылы қабылданған Біріккен Ұлттар Ұйымы Қауіпсіздік Кеңесінің 1325 -санды резолюциясы бірінші рет әйелдердің тыныштық пен қауіпсіздік үдерістеріне қатысуының маңыздылығын мойындады және осыған байланысты әйелдердің мүмкіндіктерін кеңейту бойынша жаһандық іс-әрекеттерге негізін қалады.
Әйелдердің рөліне негізделген бейбітшілік пен қауіпсіздік күн тәртібіндегі өзекті мәселе болып қала береді және әлемдік қоғамдастықтың қосымша назарын талап етеді.
БҰҰ Қауіпсіздік Кеңесінің 1325-резолюциясына сәйкес Өзбекстанның Ұлттық Әрекет бағдарламасының жобасы жасалды.
Бұл құжат қазіргі заманалық үдеріске негізделіп жасалған, еліміздің “Әйелдер, бейбітшілік және қауіпсіздік” жаһандық күн тәртібіне, 2030 жылға дейінгі кезеңде тұрақты даму бойынша күн тәртібіне, Жаһандық мақсаттарға қол жеткізу бойынша әрекеттер он жылдығына және БҰҰ басшылығында жасалған басқа нормативтік шеңберлерге адалдығын растайды.
Жетекші әйелдердің рөлін арттыру бейбітшілік пен қауіпсіздікті қамтамасыз етуге қызмет етеді. Әйелдердің саяси, әлеуметтік-экономикалық, мәдени-гуманитарлық үдерістеріне белсенді қатысуы әлемдегі бейбітшілік пен қауіпсіздікті қамтамасыз етуге, сондай-ақ тұрақты дамуға ықпал етеді.
Өзбекстан Республикасы Олий Мажлисі Сенатының Ақпарат қызметі.
