«Бахт Навоий» кластері мақта өсіруден бастап дайын өнімге дейінгі барлық циклді қамтиды және мақта егуге 45 000 гектар жерге ие. Кәсіпорында Жапония мен Швейцарияның заманалық жабдықтары бар.
Кәсіпорынның жоспарларында республикамыздың аумағында толық қайта өңдеу және дайын өнімді шығару көзделген.
Компания Самарқант қаласындағы «Бахт Самарқанд» жіп иіру фабрикасының құрылысының аяқталғанын, бұл кәсіпорындар тобының жалпы тәуліктік өндірістік қуатын 135 тоннаға дейін арттыруды хабарлады. 9000 гектар егіндік жерді алып жатқан «Навбахор Текстильде» 100% зығыр, 100% вискоза және 100% полиестерден жасалған келебе-жіп өндіру аталмыш кәсіпорынның артықшылықтарының бірі.
Кездесу қорытындысы бойынша Жапония базарына аралас келебе жіптерді жеткізу туралы келісімге қол жеткізілді.
Сапардың үшінші күні «Masui Co Ltd» компаниясының өкілімен Самарқант облысындағы «Afrasiyob Jeans Textile» және «Sam Rafoat» кәсіпорындары арасында кездесулер өтті.
Фабрикаға келіп, «Afrasiyob Jeans Textile» кәсіпорнының джинсы шалбарларын және келебе-жіп өндірісімен танысып, алдағы уақытта Жапон базарында алға тартылған үлгілерді жіберуге келісіп алды.
«Sam Rafoat» былғары бұйымдары саласында әлдеқашаннан Жапониямен ынтымақтастық тәжірибесі бар. «Masui Co Ltd.» компаниясының өкілдері жапон былғары бұйымдарының үлгілерін көрсетті.
Тараптар Жапония стандартқа сай былғары бұйымдарының жаңа түрлерін шығару бойынша ынтымақтастық орнатуға келісті, деп хабарлайды «Ўзтўқимачиликсаноат» ұйымының баспасөз қызметі.