Бұл туралы Транспорт бақылау инспекциясының Ташкент қаласы аумақтық бөлімінің инспекторы Салимжон Нишонбоев ӨзА-ға берген сұхбатында хабарлады.

Билеттерді қолма-қол төлеу тәжірибесі жойылғаннан кейін билет сатушылардың қызметінен бас тартылғаны атап өтілді. Бүгінде елордамызда 2644 автобекет болса, олардың айналасына 5500 QR-билет сататын касса орнатылған. Егер жолаушы нақтылай төлемекші болса, QR-билетті сатып алу үшін төлем инфокиосктерден пайдалануы мүмкін. Жолаушы бір реттік төлем үшін QR-билетті сатып алса, жол ақысы 3000 сум, ал «ATTO» картасы немесе мобильді қосымша арқылы төлесе 1700 сумды құрайды.

— Егер жолаушы жол ақысын қолма-қол беретін болса, жүргізуші оны қабылдамауы керек. Жағдай Траснпорт инспекциясының аймақтық инспекторлары тарапынан қадағалайды. Бірінші рет ескерту беріледі. Ескертуге қарамастан құқықбұзушылық қайталанса, жүргізушіге де, жолаушыға да белгіленген тәртіп бойынша әкімшілік хаттама толтырылады, — дейді Салимжон Нишонбоев.

Әкімшілік жауапкершілік туралы кодекстің 144-бабына және 145-бабына сәйкес әкімшілік хаттама толтырылады. Яғни, жолаушыға қатысты әкімшілік хаттама Әкімшілік жауапкершілік туралы кодекстің 144-бабы негізінде жасалады және базалық есептеу мөлшерінің оннан бірі көлемінде айыппұл салу белгіленеді.

Қазіргі уақытта базалық есептеу мөлшері 375 мың сум болса, 37 мың 500 сум көлемінде азаматқа айыппұл салынады. «Тошшахартрансхизмат» акционерлік қоғамы барлық автобустарға бақылау камераларын орнатқан.