Кездесу барысында ЮНЕСКО-мен тиімді ынтымақтастықты одан әрі дамыту мәселелері, сондай-ақ биылғы жылдың күзіне жоспарланған Самарқанд қаласында өтетін ұйымның Бас конференциясының 43-сессиясына дайындық және оны ұйымдастырудың практикалық аспектілері талқыланды.
Көпжақты әріптестіктің қазіргі таңда жоғары деңгейге жеткені атап өтілді.
Өзбекстанның бастамасымен ақпаратқа қол жеткізу және балалар білім беру мәселелері бойынша қарарлар қабылданды.
Өзбекстан мәдени мұраларды сақтау және қалпына келтіру жөніндегі халықаралық орталыққа мүше болды. Бұхара қаласы «Креативті қалалар желісіне» қосылды. Самарқандтағы Жібек жолы университетінде ЮНЕСКО кафедрасы ашылды. Өткен жылы білім, мәдениет, цифрлық және инновациялық технологиялар салаларында жеті жаңа жоба жүзеге асырыла бастады.
Тұран шөлдері және Зарафшан-Қарақұм дәлізі, жібек өндірісі, саз өнері, рубаб аспабында ойнау және ауызашар дәстүрлері, «Бұхара әмірі кеңсесінің архиві», «Түркістан альбомы», «Худойберген Девонов фотоальбомы» ЮНЕСКО-ның арнайы тізіміне енгізілді.
Айта кету керек, Самарқанд қаласында өтетін Бас конференцияның 43-сессиясы соңғы 40 жылда алғаш рет ЮНЕСКО-ның Париждегі штаб-пәтерінен тыс жерде өтпек. Бұл оқиға ұйымның 80 жылдығымен тұспа-тұс келіп отыр.
Бас директор Одри Азуле Өзбекстанмен жемісті ынтымақтастықты жоғары бағалап, алдағы іс-шараға кең ауқымды дайындық жүргізіліп жатқаны үшін Мемлекет басшысына алғысын білдірді.
Тараптар практикалық ынтымақтастық бағдарламаларын одан әрі кеңейту, сондай-ақ ЮНЕСКО Бас конференциясының 43-сессиясы аясында форумдар мен іс-шараларды ұйымдастыру бойынша тығыз ынтымақтастықты жалғастыру жөнінде келісті.
