Бош вазир Борис Жонсон эмлаш кампаниясининг самаралиги ва тезлигига умид қилмоқда: унга кўра, барча ёши катталар сентябр ойининг ўрталарига қадар тўлиқ эмланади.
“Бизнеснинг барча турлари, шу жумладан тунги клублар очилишига рухсат берилади. Қариялар уйларига, концертлар, театрлар, спорт тадбирларига келувчилар сонига қўйилган чекловлар бекор қилинади. Биз ижтимоий масофа сақлаш ва ниқобни мажбурий тақишни бекор қиламиз. Аммо сиз юқумли касалликлар кўпайганида ёки бегоналар билан яқин алоқада бўлишингизга тўғри келса, шунингдек жамоат транспортидан фойдаланганингизда ушбу қоидаларга амал қилишда давом этишингиз мумкин, — дея Жонсон сўзларини келтиради Euronews.
Сўнгги пайтларда Британияда касалланиш доимий ўсиб борганлиги ва дельта штаммининг тарқалаётганини ҳисобга олиб, шифокорлар ва мутахассислар бу ишни қўллаб-қувватламаяпти. Қўшни давлатларнинг баъзилари Буюк Британия билан алоқани тўхтатиш имкониятини кўриб чиқмоқда, оролга қўрқув билан қарашмоқда.
Бунинг фонида Кембриж герцогиняси Кейт касал одам билан алоқада бўлганлиги сабабли ўн кунлик изоляцияга олинди. Шу сабабли, у бир қатор тадбирларда, шу жумладан Лондонда бўлиб ўтадиган Aнглия-Дания ярим финалида турмуш ўртоғига ҳамроҳлик қила олмайди.
