Республикамиз ҳудудига йирик миқдордаги товар-моддий бойликларнинг ноқонуний равишда олиб кирилишининг олдини олиш борасида давлат божхона хизмати органлари томонидан тизимли кураш олиб борилмоқда.
Хусусан, Тошкент шаҳар божхона бошқармаси Контрабандага қарши курашиш ва божхона аудити бўлими ходимлари томонидан “Тошкент-товар” ва “Чуқурсой техник-идора” ташқи иқтисодий фаолият божхона постлари ходимлари билан ҳамкорликда ўтказилган тезкор тадбир давомида, тадбиркорлик субъектларидан бирининг номига хориждан келтирилган 2 та юк контейнери белгиланган тартибда кўздан кечирилди.
Натижада, мазкур контейнерланда йўл-юк кузатув ҳужжатларида кўрсатилмаган, ҳашаротларга қарши қўлланиладиган 68 минг 500 дона фумигаторлар, 162 минг дона тортлар учун мўлжалланган фейрвеклар ҳамда 15 минг дона шишириладиган болалар коптоклари борлиги аниқланди.
