Мазкур қарор билан алкоголсиз ичимликларнинг хавфсизлиги тўғрисидаги умумий техник регламент ва уни жорий этиш схемаси тасдиқланди.
“Техник жиҳатдан тартибга солиш тўғрисида”ги Ўзбекистон Республикасининг қонун талабларига мувофиқ, техник регламент амалга киритилиши муносабати билан унда кўрсатилган маҳсулотлар ва хизматларни стандартлаштириш бўйича илгари қабул қилинган норматив ҳужжатлар мажбурийлик хусусиятини йўқотади ва белгиланган тартибда қўлланилишида ихтиёрийлик касб этади. Шу жиҳатдан, “Ўзстандарт” агентлиги манфаатдор вазирлик ва идоралар билан биргаликда техник регламент амалга киритилгунга қадар алкоголсиз ичимликларни стандартлаштириш бўйича норматив ҳужжатларни қўллашда уларнинг мажбурийлик хусусиятини бекор қилиш ва ихтиёрийлигини таъминлаш юзасидан белгиланган тартибда чора-тадбирлар кўради.
Эслатиб ўтамиз, техник регламент расман эълон қилинган кундан бошлаб ўн саккиз ой ўтгач амалга киритилади.
