Америка ҳукумати муносабатини АҚШ касалликларни назорат қилиш ва профилактикаси марказларининг тиббий директори Митчелл Вульф, АҚШ Касалликларни назорат қилиш ва профилактика марказларининг минтақавий директори Даниэл Сингер ва Оқ уйнинг Коронавирус вазифаларини мувофиқлаштирувчи Чарлз Витек тақдим этди.
Вашингтондаги Каспий сиёсий маркази кўмагида ташкил этилган ушбу тадбир видеоконференциянинг барча иштирокчиларига кронавирус пандемиясига қарши кураш бўйича ҳар бир мамлакатнинг тажрибасини ўрганиш, янги авжлар пайдо бўлишининг олдини олиш борасидаги сўнгги инновацион ёндашувлар билан ўртоқлашиш, шунингдек, ҳозирги шароитда иқтисодий фаолиятни тиклаш жараёнини муҳокама қилиш имконини берди.
Таъкидландики, аксарият давлатлар COVID-19 глобал пандемиясининг тарқалиши натижасида соғлиқни сақлаш соҳасида жиддий муаммоларга дуч келмоқдалар. Иштирокчилар фикрига кўра, ушбу муаммоларни самарали ҳал этиш минтақада ҳам, глобал шериклар билан ҳам яхлит ёндашув ва яқин ҳамкорликни талаб қилади.
АҚШ Касалликларни назорат қилиш ва профилактикаси марказларининг юқори мартабали расмийлари коронавирус кенг тарқалишининг олдини олиш бўйича ўз вақтида кўрилган чоралар Марказий Осиё мамлакатларига минтақада COVID-19 тарқалишининг олдини олишга имкон берганлигини статистика тасдиқламоқда.
CDCнинг Марказий Осиёдаги минтақавий диерктори Даниэл Сингер, Америка ҳукумати минтақа мамлакатлари билан яқиндан ишлашга ва пандемияга қарши курашда зарур ёрдам кўрсатишга тайёрлигини таъкидлади. Айтиб ўтилганидек, “фақат биргаликдаги саъй-ҳаракатларимиз билан бу каби юқумли касалликларни енгишимиз мумкин”.
Оқ уйнинг Коронавирус дастурини мувофиқлаштириш бўйича координатори Чарльз Витек чеклов чораларини бекор қилиш жараёнида инновацион ёндашувлардан фаол фойдаланишга чақирди. Одамларнинг хавфсизлигини таъминлайдиган мутлақо янги иш усулларини жорий этиш керак, деди мутахассис.
Видеоконференция натижасида томонлар амалий тажриба алмашиш, коронавирус тарқалишига қарши курашнинг энг яхши усулларини топиш, шунингдек, пандемиянинг аҳолининг ижтимоий-иқтисодий ҳаётига салбий таъсирини умумлаштириш бўйича чора-тадбирларни белгилаш учун суҳбатни ўхшаш форматда давом эттиришга келишиб олдилар.
