Бу ҳақда АҚШ Молия департаменти эълон қилди.
“2026 йил 12 март ҳолатига кўра кемаларга юкланган Россияда ишлаб чиқарилган хом нефть ва нефть маҳсулотларини етказиб бериш ва сотишга рухсат берувчи 134-сонли умумий лицензия”, деб ёзилган ҳужжатда.
Лицензия 12 мартдан 12 апрелгача амал қилади, деб хабар берди report.az.
Ўз навбатида, АҚШ Ғазначилик котиби Скотт Бессент савдо рухсатномаси фақат “аллақачон транзитда” бўлган нефтга тегишли эканлигини таъкидлади. Лицензиянинг мақсади мавжуд ёқилғи таъминотининг глобал миқёсини кенгайтиришдир. “Бу тор мақсадли, қисқа муддатли чора Россия ҳукуматига сезиларли молиявий фойда келтирмайди”, деб қўшимча қилди Бессент Х ижтимоий тармоғида.
Таъкидлаш жоизки, аввалроқ, 5 март куни АҚШ Ҳиндистонга аллақачон танкерларга юкланган Россия нефтини сотиб олиш учун 30 кунлик лицензия берган эди.
