Хьюстон ва Нью-Орлеандаги қатор тадқиқот марказлари ва университетларининг америкалик олимлари гиёҳванд моддаларга тобеликка қарши дунёдаги биринчи вакцинани ишлаб чиқишди.
Мутахассисларнинг таъкидлашича, гиёҳвандликни даволаш мумкин бўлишига қарамай, одамларнинг 80 фоизи яна қайта унга мубтало бўляпти.
Шу билан бирга, фентанилнинг икки миллиграмм дозаси ҳалокатли бўлиши мумкин, чунки бу дори героиндан 50 баравар ва морфиндан 100 баравар кучлироқдир.
“Бизнинг вакцинамиз фентанилга қарши антитаначаларни ишлаб чиқаришга қодир, улар ютилган фентанил билан боғланади ва унинг мияга етиб боришини олдини олиб, унинг буйраклар орқали чиқарилишига имкон беради”, дейди Хьюстон университети доценти Колин Хейл.
Бундан ташқари, олимлар вакцина киритилгандан сўнг одам эйфорияни ҳис қилмаслиги, балки оқилона фикрлашга қайтиши мумкинлигини таъкидлашди.
