Америка оммавий ахборот воситаларининг ёзишича, давлат қарзи COVID-19 пандемиясидан олдин башорат қилинган муддатдан бир неча йил аввалроқ бу даражага етган ва бу мамлакат иқтисодий ривожланишининг секинлашишига сабаб бўлган. Ҳукумат вазиятни барқарорлаштириш учун катта миқдордаги кредитлар олди. Бироқ, бу инфляциянинг ўсишига, бу эса ўз навбатида, фоиз ставкаларининг ошишига олиб келди, натижада қарзларга хизмат кўрсатиш қимматлашди.
Миллий қарз ҳали Америка иқтисодиётига катта босим ўтказмаган. Бироқ, унинг доимий ўсиши миллий хавфсизлик ва ижтимоий таъминот ва тиббий хизмат харажатларини хавф остига қўйиши мумкин.
Шу билан бирга, Конгрессда қарз чегараси бўйича тўқнашувлар молиявий хавфга айланиши мумкин. Америка давлат облигацияларининг йирик хорижий харидорлари аллақачон уларга инвестицияларини камайтиришди, деб хабар беради mir24.tv.
“Олдинга назар ташлайдиган бўлсак, ғазначилик март ойи охиригача қарийб 1 триллион доллардан кўпроқ қарз олишни режалаштирганлиги сабабли, қарз кескин ўсишда давом этади. Йилдан-йилга триллионлаб қарзларни кўпайтириш мамлакатимиз келажаги ҳақида қайғурадиган ҳар қандай сиёсатчи учун тўхташ белгиси бўлиши керак”, деди Петерсон жамғармаси бош ижрочи директори Майкл Петерсон.
