Amerika ommaviy axborot vositalarining yozishicha, davlat qarzi COVID-19 pandemiyasidan oldin bashorat qilingan muddatdan bir necha yil avvalroq bu darajaga yetgan va bu mamlakat iqtisodiy rivojlanishining sekinlashishiga sabab bo'lgan. Hukumat vaziyatni barqarorlashtirish uchun katta miqdordagi kreditlar oldi. Biroq, bu inflyatsiyaning o'sishiga, bu esa o'z navbatida, foiz stavkalarining oshishiga olib keldi, natijada qarzlarga xizmat ko'rsatish qimmatlashdi.
Milliy qarz hali Amerika iqtisodiyotiga katta bosim o'tkazmagan. Biroq, uning doimiy o'sishi milliy xavfsizlik va ijtimoiy ta'minot va tibbiy xizmat xarajatlarini xavf ostiga qo'yishi mumkin.
Shu bilan birga, Kongressda qarz chegarasi bo'yicha to'qnashuvlar moliyaviy xavfga aylanishi mumkin. Amerika davlat obligatsiyalarining yirik xorijiy xaridorlari allaqachon ularga investitsiyalarini kamaytirishdi, deb xabar beradi mir24.tv.
“Oldinga nazar tashlaydigan bo'lsak, g'aznachilik mart oyi oxirigacha qariyb 1 trillion dollardan ko'proq qarz olishni rejalashtirganligi sababli, qarz keskin o'sishda davom etadi. Yildan-yilga trillionlab qarzlarni ko'paytirish mamlakatimiz kelajagi haqida qayg'uradigan har qanday siyosatchi uchun to'xtash belgisi bo'lishi kerak”, dedi Peterson jamg'armasi bosh ijrochi direktori Maykl Peterson.
