Нашрнинг ёзишича, воқеа ўйин вақтидаги муштлашув вақтида, футболчилар ҳакамни ўраб олган пайтда содир бўлган. Армоа пичоқни чиқариб, ўйинчилардан бирининг кўкрагига санчди. Жабрланувчи бир зумда ҳушини йўқотди, шундан сўнг жамоадошлари уни кўтариб майдондан олиб кетишди. Футболчи ўпкаси жароҳатланган бўлиб, касалхонага ётқизилган.
Маълум қилинишича, ўз вақтида кўрсатилган тиббий ёрдам туфайли футболчининг ҳаёти хавф остида эмас.
Футболчига пичоқ урган ҳакам қочишга уринган, бироқ маҳаллий полиция томонидан ҳибсга олинган ва ҳужумда ишлатилган пичоқ ҳам топилган. Аргентина полицияси айни дамда ишни тергов қилмоқда, жароҳат олган футболчи шифокорлар назорати остида тикланишини давом эттирмоқда, деб хабар беради rsport.ria.ru.
