Лондондаги Қироллик коллежи профессори Тимоти Спекторнинг айтишича, COVID-19нинг янги штамми билан касалланганларнинг учдан икки қисми бош оғриғидан шикоят қилади. Коронавирус ташхиси қўйилган беморлар жуда қаттиқ бош оғриғини ҳис этишади. Буни анальгетиклар воситасида бартараф этиб бўлмайди. Оғриқ бошнинг икки томони бўйлаб кузатилади ҳамда бу жараён уч кундан беш кунгача давом этади.
Бундан ташқари, британиялик олим авж олаётган коронавируснинг ҳиндча штамми — “дельта” ҳақида ҳам тўхталиб, унинг оддий шамоллашга ўхшаб кетишини таъкидлади. Яъни унинг асосий аломатлари — бош ва томоғ оғриғи, тумов, аксириш ва йўталиш.
Аввалроқ коронавирус организмнинг турли органларига таъсир этиши, бироқ тана ҳароратининг кўтарилгани, ҳид сезиш қобилиянинг пасайиши эмас, балки бош оғриғи инфекцияга чалинишнинг илк аломати экани айтилган эди.
