Бу ҳақда Xinhua агентлиги хабар берди.
Пернамбуко штати соғлиқни сақлаш идораларининг хабар беришича, огоҳлантирувчи белгиларга қарамасдан, бу ҳудудда акулаларнинг тез-тез ҳужум қилиши қайд этилган бўлса-да, ўсмир дўстлари билан чўмилаётган бўлган. Гувоҳларнинг айтишича, акула орқа томондан ҳужум қилган ва оғир жароҳатлар етказган. Болани Олинда шаҳридаги шифохонага олиб келишган, бироқ у қон йўқотиш оқибатида вафот этган.
Акула ҳодисаларини кузатиш бўйича давлат қўмитасининг маълумотларига кўра, 1992 йилдан бери Пернамбукода 82 та акула ҳужуми содир бўлган, улардан 27 таси ўлимга олиб келган.
Расмийлар Ресифи ва Олиндадаги пляжларда акулалар билан тўқнашув хавфи юқори бўлгани сабабли чўмилишни тақиқловчи огоҳлантирувчи белгилар осиб қўйилганини таъкидлашди. Бу ҳудудлар, айниқса, Карнавал мавсумида сайёҳлар орасида машҳур, деб хабар берди oz.inform.kz.
