«Вакцинацияга қўшимча равишда ниқоб тартибини ҳам жорий қилиш керак. Чунки, касалликдан ҳимояланиш учун вакцинанинг ўзи етарли эмас. Энди биз қисқа вақт ичида эмланиш ва карантин қоидаларига риоя этишга ҳаракат қилишимиз керак, акс ҳолда бу янги локдаунга олиб келади», — дея унинг сўзларини келтиради РБК.
Вуйновичнинг сўзларига кўра, эмлаш касалликнинг оғир шаклда юқиши эҳтимолини пасайтиради. ЖССТ вакилининг таъкидлашича, «Дельта плюс» штаммига оид вазият хавотирли, вирус тез тарқалмоқда. «Дельта» турида касал бўлган одам инфекцияни бошқаларга тез ва осон юқтиради. Биз ҳали энг юқори нуқтага чиқмадик, вирус юқиши тезлашмоқда», деди у.
Ҳиндистонда «дельта» деб номланган коронавирус тури ўтган йилнинг октябрида топилган эди. Ўша пайтдан бошлаб у бутун дунёга тарқалди. 20 июнь куни Ҳиндистон ҳукумати «Дельта плюс» деб номланган дельта мутациясини эълон қилди. Кейинчалик, мамлакат Соғлиқни сақлаш вазирлиги ушбу штаммнинг хавфи ҳақида хабар берди. У аввалгисидан юқори тарқалиш тезлиги, ўпка ҳужайраларига кучли таъсир ўтказиш қобилияти билан ажралиб туради. Шунингдек, олимлар янги штамм антитаначалар томонидан яратилган ҳимоя воситасини енгиб чиқа олишини тан олишди.
