Пойтахтимизда бўлиб ўтган махсус вебинарда шундай фикр билдирилди.
Мазкур тадбирда икки томонлама ҳамкорлик Ўзбекистоннинг йирик ва стратегик аҳамиятга эга бўлган қишлоқ хўжалиги ҳамда озиқ-овқат тармоғининг экспорт салоҳиятини ривожлантириш борасида қилинаётган ишлар хусусида фикр юритилди.
Маълумотларга кўра, 2022 йилда Ўзбекистондан хориж давлатларига сабзавот ва мевалар экспорти 1,15 миллиард АҚШ долларни ташкил этиб, бу кўрсаткич аввалги йилга нисбатан қарийб 20 фоизга ошган. Европа Иттифоқига умумий экспорт 31,7 миллион АҚШ долларни ташкил қилган. Аммо таҳлиллар кўрсаткични янада ошириш учун имкониятлар мавжудлигини кўрсатмоқда.
Европа Иттифоқи ва Ўзбекистон ўртасидаги 2027 йилгача бўлган ҳамкорликка қаратилган Кўпйиллик индикатив дастурда Ўзбекистон қишлоқ хўжалиги ва озиқ-овқат соҳасининг “катта ўсиши ва экспорт салоҳияти” алоҳида қайд этилган.
2021йилда Ўзбекистон 6200 та маҳсулотни Европа Иттифоқига божсиз экспорт қилиш имконини берувчи GSP+ имтиёзлар тизимига қўшилди. Бир неча юзлаб қишлоқ хўжалиги корхоналари Ўзбекистон экспортни рағбатлантириш агентлигига мақбул қишлоқ хўжалиги амалиёти (Global GAP) сертификатини олиш учун ҳужжатларни топширишди.
Европа-Ўзбекистон иқтисодий ҳамкорлик ассоциацияси томонидан ўтказилган тадбирда Ўзбекистоннинг йирик қишлоқ хўжалиги экспортчи корхоналари раҳбарлари Европа бўйлаб ўзбек маҳсулотларига ўсиб бораётган талабни муҳокама қилинди.
