Луисвилля университети олимлари электрон сигаретанинг юрак-қон томир саломатлигига таъсирини маълум қилишди. Тадқиқот натижалари Nature Communications журналида эълон қилинди.
Мутахассислар ўз ишлари давомида иккита энг машҳур вариант — никотинсиз пропиленгликоль ва ўсимлик глицерини ёки никотинли хушбўй суюқликдан иборат бўлган вейпинг суюқликларини ўрганишди.
Тадқиқотчилар ҳайвонлар барча аэрозол турларини ютиб, кейин нафас чиқарганида уларда юрак частотаси аввалига секинлашганини, ундан сўнг юрак уриши тезлашганини аниқладилар.
Натижада, олимлар электрон сигаретанинг қисқа муддатли таъсири ҳам юрак ритмини беқарорлаштириши мумкин, деган хулосага келишди.
Кейинчалик, бу атриял ёки қоринча фибриллацияси ва тўсатдан юрак ушлаб қолиши хавфини ошириши мумкин.
2022 йил сентябр ойида Массачусетс умумий касалхонаси шифокорлари электрон сигаретдан фойдаланишнинг узоқ муддатли таъсирини ўрганиб чиқишди. Изланиш натижаларига кўра, бу кичик ҳаво йўлларининг тўсилиши, нафас қисилиши ва кўкрак оғриғига олиб келади.
