Россия Фанлар академияси Ахборот узатиш институти молекуляр эволюция сектори мудири, профессор Георгий Базикиннинг таъкидлашича, эмлаш коронавирус мутациясини тўхтатиши мумкин. Унинг айтишича, эпидемия қанча кенг тарқалса, вирус шунча кўп мутацияланади. Бу эса катта муаммоларни келтириб чиқаради. Шунинг учун вирус мутацияси кучайиб кетмасдан аҳолини тезроқ эмлаш зарур.
“Мутация касалликнинг оғир кечишига сабаб бўлиши ҳам мумкин. Аммо ҳали бундай мутация борлигини билмаймиз. Чунки биз ҳозирча бундай маълумотларга эга эмасмиз. Аммо улар келгусида пайдо бўлмаслигига ҳам кафолат йўқ”, дея таъкидлади Базикин.
