Унга кўра:
Хорижий кинокомпания томонидан ҳар бир фильмни ишлаб чиқариш учун сарфланган ҳаражатларнинг қайтариладиган қисми 300 минг АҚШ долларидан ортиқ бўлмаслиги керак.
Ҳаражатлар қисмини қайтаришга масъул орган “Ўзбеккино” Миллий агентлиги этиб белгиланди.
Хорижий кинокомпаниялар Ўзбекистон ҳудудида фильм суратга олиши учун Агентликдан руҳсатнома олади. Шундан сўнг Агентлик ва чет эл кинокомпанияси билан Меморандум имзоланади.
Тижорат банклари хорижий компания сўрови ҳамда “Ўзбеккино” Миллий агентлиги томонидан берилган руҳсатномага асосан, беш кун ичида махсус ҳисобрақам очади.
Хориж киноусталари ушбу махсус ҳисобрақамдаги маблағдан керакли ҳаражатлар учун ишлатади.
Суратга олиш ишлари якунлангач, Агентлик тижорат банкка бу ҳақда хабар беради. Банк бу хабарни олгач, уч кун муддатда фильмни суратга олиш даврида амалга оширилган молиявий операциялар ҳақидаги маълумотларни хориж кинокомпаниясига тақдим этади.
Хориж кинокомпания батафсил маълумотни Агентликка тақдим этади. Агентлик эса уч кун муддатда махсус ҳисоб рақамда амалга оширилган барча операциялар ҳақидаги малумотларни Молия вазирлигига ҳаражатлар қисмини қайтариш учун тақдим этади.
Молия вазирлиги ҳужжатларни ўрганиб чиқиб, ўн кун ичида қуйидаги қарорларни қабул қилишга ҳақли:
- Ҳаражатларнинг 20 фоизини қайтариш;
- Ҳаражатларни қайтармаслик.
