Лойиҳага кўра, Discover дастури асосида фойдаланувчига кунига 10 мегабайт трафик тақдим этилади. Бепул интернетдан фойдаланиш учун махсус мобил илова ёки смартфондаги браузер ёрдамида мобил интернет орқали тармоққа уланиш керак бўлади. Бунда сайтлардаги расмлар, видео ва бошқа “оғир” контентлар акс этмайди, фақат матнлар очилади. Ҳозирда ташкилотчилар матнлар билан бир қаторда, расмларни ҳам очиш имкониятини яратиш ҳақида ўйламоқда.
Facebook яқин орада аҳолисининг даромади паст бўлган яна бир нечта мамлакатда бепул интернет хизматини йўлга қўймоқчи. Режага кўра, бунда фойдаланувчига ҳар куни 20 мегабайт ҳажмда трафик тақдим этилади. Лекин мобил алоқа операторлари мазкур лимит ҳажмини оширишлари, шунингдек, айрим турдаги контентларнинг очилишини чеклашлари мумкин.
Эслатиб ўтамиз, Facebook компанияси аҳолиси камбағал мамлакатларга бепул интернет тақдим этиш бўйича internet.org ҳамда Express WiFi каби яна бир қанча лойиҳаларга қўл урган. Бундан ташқари, у ўз иловаларининг трафик ҳамда смартфон ресурсларини кам талаб қиладиган “енгил” версияларини (Facebook Lite, Messenger Lite каби) ҳам чиқарган.
