“Авиаторшина” Telegram каналининг ёзишича, самолёт қўнганидан сўнг, йўлакда ҳаракатланаётган вақтида ўнг асосий шассидаги ташқи ғилдирак чиқиб кетган. Ҳаво кемаси командири самолётни тўхтатиб, муҳандис-техник ходимларни чақирган ва самолёт текширилганда ғилдиракни ушлаб турувчи мурватлардан бир қанчаси етишмаётгани аниқланган.
Йўловчилар зудлик билан тўғридан-тўғри учиш-қўниш йўлагига туширилиб, юклари билан терминалга етказилди. Boeing 738 самолётининг ўзи фойдаланишдан четлатилди, бир неча соатдан сўнг у перронга тортилди.
Таъкидланишича, Фарғона аэропорти ягона учиш-қўниш йўлаги тўсилиб қолгани сабабли вақтинча ёпилган. Шу сабабли Внуководан Фарғонага парвоз қилган «Utair» авиакомпаниясининг «Boeing 737» самолёти Тошкент аэропортига қўнишга мажбур бўлган.
Авиакомпания матбуот хизматига кўра, Новосибирскдан Ўзбекистонга қайтиш рейсини амалга ошириш учун захира самолёти юборилган.
